Bo'lim: Uncategorized
Shavkat Mirziyoev O’zbekiston fuqarolari uchun virtual qabulxonani ochdi
O’zbekistonning muvaqqat prezidenti Shavkat Mirziyoyev virtual qabulxonasini ochdi, u erda hamma unga hal qilinmagan muammolar bo’yicha murojaat qilishi mumkin. Bu haqda O’zbekiston Respublikasi hukumati veb-saytida xabar berilgan.
“Sizda hal qilinmagan muammolar, bayonotlar, shikoyatlar yoki takliflar bormi? Ularni bir necha yo’llar bilan O’zbekiston Respublikasi Bosh vaziriga yuboring: telefon orqali, murojaat shaklida yoki O’zLiDeP viloyat partiya tashkiloti Kengashlariga tashrif buyuring », – deb yozilgan tabriknomada qabul boshlangan hukumat portalida.
Qayd etilishicha, hukumat rahbariga bildirish, shikoyat va takliflar to’g’ridan-to’g’ri veb-sayt orqali yoki (0 800) 210-00-00 telefon raqamiga yoki 1000 qisqa raqamiga yuborilishi mumkin (qo’ng’iroq butun mamlakat bo’ylab bepul – faqat shahar telefoniga qo’ng’iroq qilish uchun standart to’lov olinadi). Abituriyentlar veb-sayt orqali ariza holatini tekshirish imkoniyatiga ega.
Bosh vazir bilan virtual qabulxona orqali bog’lanish uchun elektron raqamli imzo shart emasligi, davlat portali esa veb-sayt orqali raqamli imzoga ega bo’lmagan fuqarolarning shikoyatlari va arizalarini qabul qilmasligi alohida ta’kidlangan.
Raqobatni ta’minlash va iste’molchilarning huquqlarini himoya qilish sohasida davlat siyosati tubdan takomillashtiriladi.
Prezidentning “Raqobatni ta’minlash va iste’molchilarning huquqlarini himoya qilish sohasida davlat siyosatini tubdan takomillashtirish chora-tadbirlari to‘g‘risida”gi farmoni loyihasi e’lon qilishdi.
Davlat siyosatining asosiy prinsiplari sifatida raqobatni ta’minlash uchun quyidagilar belgilanadi:
a) raqobatni ta’minlash sohasida:
– raqobat rivojlantirish va himoya qilish bo‘yicha davlat siyosatini amalga oshirishda iste’molchilar huquqlarining ustuvorligi;
– teng shartlar va iqtisodiy faoliyat erkinligini hamda bozorlarning faoliyatida davlatning minimal aralashuvini ta’minlash;
– raqobatga qarshi har qanday xatti-harakatlarga nisbatan murosasizlikni shakllantirish va raqobatni rivojlantirish va himoya qilish borasida davlat siyosati vositalarini qo‘llanishida raqobat betarafligi;
– raqobat rivojlantirish va himoya qilish bo‘yicha davlat siyosati natijalarini o‘lchay olishlik;
– davlat organlarining o‘zlari mas’ul bo‘lgan tarmoqlarda raqobatni rivojlantirish uchun javobgarligi;
– tabiiy monopoliya sohalarining iqtisodiy asoslangan holda raqobat bozoriga holatiga o‘tishi uchun to‘sqinlik qilishga yo‘l qo‘ymaslik;
b) iste’molchilarni himoya qilish sohasida:
– xo‘jalik yurituvchi sub’ektlar, davlat organlari hamda banklar bilan munosabatlarda iste’molchilar huquqlarining ustuvorligi, unga muvofiq, qonun hujjatlarida tovarlarni (ishlarni, xizmatlarni) sotib olish (beg‘araz olish) munosabati bilan yuzaga keladigan barcha bartaraf etib bo‘lmaydigan ziddiyatlar va noaniqliklar iste’molchilar foydasiga talqin etiladi;
– oqilona iste’mol modelini targ‘ib qilish;
– iste’molchilarning tovarlar (ishlar, xizmatlar) to‘g‘risida to‘liq ma’lumotlarga to‘sqinliksiz ega bo‘lishi;
– shaxsiy ma’lumotlar va iste’molchilar haqidagi ma’lumotlarini himoya qilinishi;
– to‘liq va ishonchli markirovkalangan sifati va xavfsizligi kafolatlangan mahsulotlarini ishlab chiqarishni rag‘batlantirish;
– tovarlar (ishlar, xizmatlar) ishlab chiqaruvchilarning ijtimoiy javobgarligini shakllantirish va ular tomonidan nohalol amaliyotlarga yo‘l qo‘ymaslik;
– iste’molchilar madaniyatini oshirish va iste’molchilar huquqlarini himoya qilish uchun sharoitlar va mavjud vositalarni yaratish, shu jumladan sudgacha bo‘lgan tartibda.
O‘zbekiston Respublikasi prezidenti Shavkat Mirziyoyev 27 iyul kuni yashirin iqtisodiyotni qisqartirish bo‘yicha olib borilayotgan ishlar muhokamasi yuzasidan yig‘ilish o‘tkazdi. Yig‘ilishda savdo, umumiy ovqatlanish, transport va maishiy xizmat ko‘rsatish sohalarida plastik kartalar va boshqa turdagi kontaktsiz to‘lovlarni aylanma daromad solig‘ini hisoblash bazasiga kiritmaslik taklifi bildirildi.
«Mamlakatimizda yashirin iqtisodiyot darajasi yuqori. Shu bois keyingi yillarda biznesga qo‘shimcha qulayliklar yaratish orqali yashirin iqtisodiyot ulushini kamaytirish choralari ko‘rilmoqda. Xususan, valyuta bozori erkinlashtirildi, yangi soliq tizimi joriy etildi, 100 ga yaqin ruxsat berish va litsenziyalash qoidalari qisqartirildi. Bularning natijasida oxirgi 5 yilda sanoatda norasmiy sektor ulushi 20 foizdan 6 foizga tushgan.
Yig‘ilishda bu boradagi ishlar yetarli emasligi qayd etilib, galdagi vazifalar muhokama qilindi. Xalqaro tashkilotlar ekspertlarini jalb qilgan holda, yashirin iqtisodiyotni qisqartirish bo‘yicha strategiya ishlab chiqish topshirig‘i berildi.
Davlat rahbari yashirin iqtisodiyotga qarshi kurashishda ehtiyot bo‘lish, iqtisodiy faollikka zarar yetkazib qo‘ymaslik, buning uchun davlat organlari, biznes va jamoatchilik hamjihatlikda ishlashi muhimligini ta’kidladi.
Soliq islohotlarini izchil davom ettirib, yashirin iqtisodiyotga yo‘l qo‘ymaydigan tizim joriy etish vazifasi qo‘yildi. “Insofli soliq to‘lovchi” tizimini shakllantirib, shu yil yakuniga qadar Toshkent shahrida namuna sifatida amalga oshirishga ko‘rsatma berildi», deyiladi prezident matbuot xizmati xabarida.
Davlat xaridlari va investitsiya loyihalarida korrupsiyaga chek qo‘yish masalasiga alohida e’tibor qaratilgan. Moliya vazirligiga bu borada shaffoflikni ta’minlash, jamoat nazorati va raqobatni kuchaytirish maqsadida Davlat xaridlari axborot portalini ishga tushirish topshirilgan.
Endilikda har bir investitsiya loyihasi korrupsiyaga qarshi ekspertizadan o‘tkazilishi belgilandi. 2021 yildan boshlab ushbu tizim markazlashgan mablag‘lar hisobiga amalga oshiriladigan barcha loyihalarga tatbiq etiladi.
Davlat organlarida ham yashirin iqtisodiyot va korrupsiyaga qarshi muvofiqlik tizimi joriy etilmoqda. Xususan, Qurilish, Sog‘liqni saqlash hamda Oliy va o‘rta maxsus ta’lim vazirliklarida, «O‘zbekneftgaz» va «O‘zkimyosanoat» aksiyadorlik jamiyatlarida bu borada ishlar boshlangan. Yil yakunigacha yana 14ta tashkilotda va davlat ulushiga ega 10ta bankda ushbu tizimni joriy etish vazifasi qo‘yildi.
Sohalar va yo‘nalishlar kesimida korrupsiyaga qarshi kurashish bo‘yicha «yo‘l xaritalari» ishlab chiqish hamda ijrosini muhokama qilib borish yuzasidan topshiriqlar berildi.
Shuningdek, davlat organlari, korxonalar va hududlarda korrupsiya va yashirin iqtisodiyot reyting metodikasi ishlab chiqilishi belgilandi. 2021 yildan boshlab ushbu reyting natijalari e’lon qilib boriladi, shu asosida barcha rahbarlarning shaxsiy mas’uliyati baholanadi.
Yig‘ilishda bojxona va soliq tizimiga doir masalalar ham ko‘rib chiqildi. Inson omiliga chek qo‘yish orqali kontrabanda va mahsulotlarning bojxona qiymatini sun’iy pasaytirish holatlari ustidan bojxona nazoratini kuchaytirish lozimligi ta’kidlandi.
Davlat bojxona qo‘mitasi va Davlat soliq qo‘mitasiga import tovarlarining kirib kelishi, bojxonadan o‘tkazilishi va sotilishi bo‘yicha yagona bazani ishga tushirish bo‘yicha topshiriqlar berildi. Shuningdek, 2021 yil 1 yanvardan «Bojxona auditi» axborot tizimini joriy etish vazifasi belgilandi.
Prezidentimiz yashirin iqtisodiyotni qisqartirish uchun odamlarning legal ishlashiga ko‘maklashish, ularni manfaatdor qilish kerakligini ta’kidladi.
Masalan, o‘zini o‘zi band qilish tizimi soddalashtirilgani natijasida iyul oyining o‘zida 184 ming fuqaro rasmiy sektorda ish yurita boshladi.
Lekin, qurilish, savdo va umumiy ovqatlanish, transport va boshqa xizmat ko‘rsatish sohalarida norasmiy bandlik darajasi hamon yuqori. Umuman, iqtisodiyotda band bo‘lgan 10,5 million aholining atigi 4,9 millioni daromad solig‘i to‘laydi.
Yig‘ilishda bunday sohalar bo‘yicha manzilli ishlash, norasmiy faoliyat yuritayotgan sub’ektlarni rag‘batlantiruvchi mexanizmlar orqali yashirin iqtisodiyotdan olib chiqish kerakligi aytildi. Savdo, umumiy ovqatlanish, transport va maishiy xizmat ko‘rsatish sohalarida plastik kartalar va boshqa turdagi kontaktsiz to‘lovlarni aylanma daromad solig‘ini hisoblash bazasiga kiritmaslik taklifi bildirildi.
Davlatimiz rahbari kichik biznes sub’ektlari uchun soliq ma’muriyatchiligini soddalashtirish, tadbirkorlik faoliyatiga ruxsat berish va litsenziyalashdagi ortiqcha tartib-taomillarni yanada qisqartirish zarurligini ta’kidladi.
Masalan, 100ta litsenziya va 34ta ruxsatnomani qisqartirib, xabardor qilish tartibiga o‘tkazish, yana ko‘plarini soddalashtirish, 14ta hujjatni berish muddatlarini 2 baravargacha qisqartirish mumkin. Ushbu choralar natijasida tadbirkorlar yiliga 125 milliard so‘m iqtisod qilish imkoniga ega bo‘ladi.
Shuningdek, 43ta idoraning 270ta nazorat funksiyasini tanqidiy o‘rganib, yashirin iqtisodiyot va korrupsiyaga sabab bo‘layotgan vakolatlarini qisqartirish bo‘yicha ko‘rsatmalar berildi. O‘z navbatida, korrupsion va yashirin faoliyatga mukkasidan ketgan noinsof tadbirkorlarga nisbatan javobgarlikni kuchaytirish zarurligi aytildi.
Yashirin iqtisodiyotni tarmoqlar va sohalar bo‘yicha tahlil qilish talab darajasida emasligi ko‘rsatib o‘tildi. Xalqaro ekspertlarni jalb qilgan holda, bir viloyat misolida yashirin iqtisodiyotning statistik hisoboti joriy etilishi belgilandi.
Korrupsiya va yashirin iqtisodiyotga qarshi kurashishda asosiy kuch biznes va jamoatchilikdir. Shu bois jamiyatda bu illatlarga nisbatan nafrat tuyg‘usini shakllantirish, ommaviy axborot vositalari va ijtimoiy tarmoqlar orqali ularning salbiy oqibatlarini yoritib borish muhimligi qayd etildi.
«Yashirin iqtisodiyotga qarshi kurashish tadbirkorlarni jazolash, ularning faoliyatiga to‘sqinlik qilish degani emas. Bu ayniqsa pandemiya davrida katta ahamiyatga ega. Joylarda jamoatchilik nazoratini kuchaytirish orqali mayda korrupsiyaga ham qat’iy choralar ko‘rish zarur», – dedi Shavkat Mirziyoyev.
Yig‘ilishda belgilangan chora-tadbirlar yuzasidan har bir vazirlik va tarmoq oldiga yil yakunida aniq ko‘rsatkichlarga (KPI) erishish vazifasi qo‘yildi.
manba : zamin.uz